தமிழ் சினிமாவில் இளம் இயக்குனரான கார்த்திக் சுப்பராஜ் ஏற்கெனவே ரஜினிகாந்த் நடித்த ‘பேட்ட’ படத்தை இயக்கினார். அந்தப் படத்திற்குப் பிறகு தனுஷ் நடித்துள்ள ‘ஜகமே தந்திரம்’ படத்தை இயக்கி முடித்துள்ளார். அப்படம் விரைவில் வெளியாக உள்ளது.அடுத்து விக்ரம், அவரது மகன் துருவ் விக்ரம் நடிக்க உள்ள படத்தை இயக்கப் போகிறார். இந்தப் படத்தை இயக்கி முடித்த பிறகு மீண்டும் ரஜினிகாந்த் நடிக்கும் படம் ஒன்றை இயக்கப் போவதாக தகவல் வெளியாகி உள்ளது.’அண்ணாத்த’ படத்திற்குப் பிறகு அவர் கார்த்திக் சுப்பராஜ் இயக்கும் படத்தில் நடிக்கலாம் என்கிறார்கள்.’அண்ணாத்த’ படப்பிடிப்பு முடிவடையும் தருவாயில் தான் ரஜினிகாந்த் அடுத்து நடிக்க உள்ள படம் எது என்ற அறிவிப்பு வெளியாக வாய்ப்புள்ளது.
