கொரோனாவால் பாதிக்கப்பட்டிருந்த முன்னாள் அமைச்சர் மங்கள சமரவீர இன்று காலமானார்.
கொரோனாவால் பாதிக்கப்பட்ட நிலையில் தனியார் மருத்துவமனையொன்றில் கிசிச்சை பெற்றுவந்த நிலையிலேயே முன்னாள் அமைச்சர் (65) உயிரிழந்துள்ளார்.மங்களசமரவீரவிற்கு கடந்த பல நாட்களாக தீவிரகிசிச்சை பிரிவில் சிகிச்சை வழங்கப்பட்டுவந்ததாக தெரிவித்துள்ள மருத்துவமனை வட்டாரங்கள் எனினும் கடந்த இரண்டு நாட்களாக அவரது உடல்நிலை மோசமடைந்த நிலையில் காணப்பட்டது என தெரிவித்துள்ளன.இதனை தொடர்ந்து இன்று செயற்கை சுவாசம் வழங்கப்பட்ட நிலையில் அவர் உயிரிழந்தார் என மருத்துவமனை வட்டாரங்கள் தெரிவித்துள்ளன.இந்நிலையில் மங்கள சமரவீரவின் மரணம் தேசத்துக்கும் ஐக்கிய தேசியக் கட்சிக்கும் எனக்கும் தனிப்பட்ட முறையில் பெரும் இழப்பாகும்” என ஐக்கிய தேசியக் கட்சியின் தலைவர் ரணில் விக்மரசிங்க தெரிவித்துள்ளார்.அவர் விடுத்துள்ள அனுதாபச் செய்தியில் மேலும் தெரிவிக்கப்பட்டுள்ளதாவது,“நான் அவருக்கு தொலைபேசி அழைப்பெடுத்தபோது, நான் அவர் குணமடையும் வரை காத்திருக்கிறேன் என்று சொன்னேன். ஆனால் அது நடக்கவில்லை. இன்று காலையில் கொரோனா வைரஸ் அவரது உயிரைக் பலியெடுத்துவிட்டது.
மங்கள ஒரு முக்கியமான அரசியல் நபராக இருந்தார். அவர் இலங்கையில் நம்பகமான மற்றும் நிலையான நிலைப்பாட்டைக் கொண்டிருந்தார், அனைவருக்கும் சுதந்திரம் மற்றும் சமத்துவம் மற்றும் மனித உரிமைகளுக்காக வாதிட்டார். அவர் புதுமையான யோசனைகளைக் கொண்டு வந்தவர். மங்கள ஒரு சிறந்த தொடர்பாளராக இருந்தார். அவர் நம் அனைத்து நாடுகளுக்கிடையில் நல்லிணக்கத்திற்காக நின்றார். 2015 முதல் 2019 வரை அமைச்சரவையில், அவர் வெளியுறவு மற்றும் நிதி விவகாரங்களை மிகவும் திறமையாக நிர்வகித்தார்”. என்று ரணில் விக்ரமசிங்க தனது இரங்கல் செய்தியில் கூறியுள்ளார்.
