தமிழ் திரையுலகில் தரமான படங்களைத் தந்த இயக்குனரில் வசந்த பாலனும் ஒருவர்
இவர் இயக்கிய ‘வெயில்,’ ‘அங்காடித்தெரு’, ‘காவியத் தலைவன்’ போன்ற படங்கள் நல்ல வரவேற்பை பெற்றன. குறிப்பாக இவர் இயக்கிய வெயில் படத்திற்கு தேசிய விருது கிடைத்தது.
தற்போது வசந்தபாலன் இயக்கத்தில் உருவாகி இருக்கும் படம் ‘ஜெயில்’. ஜி.வி.பிரகாஷ், அபர்னதி நடித்துள்ள இந்த படம் விரைவில் திரைக்கு வர இருக்கிறது.
இந்த நிலையில், வசந்தபாலன் தனது அடுத்த படத்துக்கான வேலைகளில் ஈடுபட்டு வருகிறார். அதன்படி இவர் அடுத்ததாக பாலிவுட்டில் கடந்த 2019-ம் ஆண்டு வெளியான தி லிஃப்ட் பாய் என்கிற படத்தை தமிழில் ரீமேக் செய்ய உள்ளதாக கூறப்படுகிறது. இப்படத்தில் மாஸ்டர் படத்தில் நடித்து பிரபலமான அர்ஜுன் தாஸ் ஹீரோவாக நடிக்க உள்ளதாக தகவல் வெளியாகி உள்ளது.
